Category: Sher

Dilon mein tum apni betaabiyan leke chal rahe ho toh zinda ho tum
Nazar mein khwaabon ki bijliyan leke chal rahe ho toh zinda ho tum.
Hawa ke jhokon ke jaise aazad rehna seekho,
Dariya ke jaise lehron mein behna seekho,
Har ek lamhe se tum milo khole apni baahein.
Har ek pal ek naya sama dekhein ye nigaahein.
Jo apni aankhon mein hairaaniyan leke chal rahe ho toh zinda ho tum.
Dilon mein tum apni betaabiyan leke chal rahe ho toh zinda ho tum.

– Javed Akhtar

Credits to NV for typing this out!

Jab jab dard ka badal chaye,
jab gum ka saya lehraye,
jab aansu palko tak aaye,
jab ye tanha dil ghabraye,
humne dil ko ye samjhaya,
dil akhir tu kyu rota hai,
duniya mein yuhi hota hai.
Yeh jo gehre sannatey hai,
waqt ne sabko baatey hain.
Thoda gum hain sab ka kissa,
thodi dhoop hain sab ka hissa.
Aankhey teri bekar he num hai,
har pal ek naya mausam hai.
Kyu tu aise pal khota hai,
dil aakhir tu kyu rota hai

– Javed Akhtar

Credits to RK30Jan for typing this out!